التسعير: القرار اللي يحدد مصير مشروعك – ومعاه أداة بتسهل عليك كل شي!
فيه قرارات كثير نقدر نغيّرها بسهولة في مشروعنا… التصميم، طريقة التغليف، حتى طريقة التوصيل.
لكن التسعير؟ هذا قرار حساس جدًا، لأنه هو اللي يحدد إذا بتكسب من شغلك أو لا.
وش يعني تسعير؟
التسعير هو إنك تقرر بكم تبيع منتجك أو خدمتك. بس الموضوع مو عشوائي ولا “على البركة”… لازم تحسب:
- كم كلفك المنتج فعلًا؟
- كم تبغى تربح؟
- وكم ممكن العميل يدفع؟
طيب، وش يصير لو سعّرت غلط؟
- ممكن تبيع كثير، بس تطلع بدون ربح!
- أو تحط سعر عالي يخوف الناس وتخسر العملاء
- أو تنسى تحسب تكاليفك الفعلية وتفاجأ إنك تطلع خسران بدون ما تدري
حلّها بسيط: استخدم ملف تسعير ذكي واحترافي
أنا شخصيًا ما عاد أتخيل أشتغل بدون ملف التسعير اللي أستخدمه.
الملف يساعدك تحسب كل شي بدقة، من غير وجع راس، ويريّحك من التخمين.
وش يسوي الملف بالضبط؟
- تحط فيه كل التكاليف (المواد، التغليف، الوقت، التعب…)
- يحسب لك تكلفة المنتج النهائية
- يعطيك سعر البيع المناسب بعد إضافة نسبة ربح
- يحسب لك كمان صافي الربح، ونقطة التعادل، وهامش الربح لكل منتج
وكل هذا بأسلوب بسيط، والخلايا تحسب تلقائي.
🟡 تدخل بياناتك في الخلايا الصفراء، والنتيجة تطلع لك جاهزة
3 طرق للتسعير يسهّلها لك الملف
- طريقة التكاليف + نسبة الربح
- تحسب كل شي دفعت عليه، وتضيف الربح اللي تبغاه.
- التسعير حسب السوق والمنافسين
- تقارن أسعارك بأسعار غيرك، وتشوف وين تقدر تتميّز.
- التسعير حسب القيمة
- تسعّر بناء على القيمة اللي يشوفها العميل في منتجك.
والملف يساعدك في كل الطرق هذي، ويعطيك تحليل يساعدك تفهم وش الأنسب لمشروعك.
لو أنت صاحب مشروع …
صدقني، التسعير الصح راح يغيّر نظرتك لمشروعك، ويخليك تشتغل بثقة، لأنك عارف إن كل قطعة تبيعها داخلة في الحسبة ومربحة.
ما عاد تحتاج تحزر السعر، أو تستحي ترفع قيمة منتجك.
كل شي محسوب، وكل قرار وراه منطق وأرقام.
وأخيرًا:
لا تشتت نفسك بكثرة الحسابات، ولا تقع في فخ “بسوي مثل غيري”.
ابدأ صح، وسعّر بناء على مشروعك أنت، وتعبك أنت، وظروفك أنت.
ابدأ باستخدام ملف التسعير، وخلّه يكون يدك اليمنى في إدارة مشروعك